ചുടലക്കാട്

തെണ്ടി നടന്നവരും
വണ്ടി കയറിയവരും
മിണ്ടാണ്ടിരുന്നവരും  
അവസാനം
എത്തി ചേരുന്നത്
ഒരിടത്തു തന്നെ
എന്നാണ് ജനം പറയണത്..
അതെവിടെയെന്നറിഞ്ഞാൽ
ഈ തെണ്ടലൊഴിവാക്കാമായിരുന്നു...
വണ്ടിക്കൂലീം ലാഭം... എന്തേ..?
-മർത്ത്യൻ-

ദൈവങ്ങളില്ലാത്തൊരു ലോകം

എത്ര സുന്ദരമായിരിക്കും അല്ലെ..?
ദൈവങ്ങളില്ലാത്തൊരു ലോകം
മർത്ത്യൻ മാറിയിട്ടും...
മാറാതെ... പുരോഗമിക്കാതെ..
പിടിവാശി വിടാതെ..
വഴിപാടുകൾക്കും,
കുരുതികൾക്കും വേണ്ടി
വായിൽ വെള്ളമൊരുക്കി
കാത്തിരിക്കുന്ന
ദൈവങ്ങളില്ലാത്തൊരു ലോകം...
എത്ര സുന്ദരമായിരിക്കും അല്ലെ..?
മതങ്ങൾക്കും, മതഭ്രാന്തർക്കും
കപട സ്വാമികൾക്കും, സ്വാമിനികൾക്കും
അന്ധവിശ്വാസങ്ങൾക്കും
മുൻപിൽ
മുട്ടുകുത്തി കണ്ണുമടച്ച്
പ്രാർത്ഥിക്കുന്ന
ദൈവങ്ങളില്ലാത്തൊരു ലോകം...
എത്ര സുന്ദരമായിരിക്കും അല്ലെ..?
സ്വർഗം വാഗ്ദാനം ചെയ്ത്
നരകം പറഞ്ഞ് പറ്റിച്ച്
ഇല്ലാത്ത സാത്താൻമാരെ
പടച്ചു വിട്ട്
ഭൂമി ഭരിക്കാൻ ആഗ്രഹിക്കുന്ന
നരഭോജികളുടെ
ദൈവങ്ങളില്ലാത്തൊരു ലോകം...
എത്ര സുന്ദരമായിരിക്കും അല്ലെ..?
എത്ര സുന്ദരമായിരിക്കും അല്ലെ..?
-മർത്ത്യൻ-

ശ്വാന ദർശനം

തിരക്കുള്ള അറവുശാലകൾക്ക് മുൻപിൽ 

മണം പിടിച്ച്.. 

വിശപ്പ് ദാനം ചെയ്യുന്ന അന്ധതയും 

മറന്ന്...

ചോര കട്ടപിടിച്ച തൂക്കിയിട്ട ഇറച്ചിയിൽ 

കണ്ണും നട്ട്...

വെട്ടുമ്പോൾ തെറിച്ചേക്കാവുന്ന തുണ്ടും 

പ്രതീക്ഷിച്ച്... 

ചോര പൊടിയുന്ന വെട്ടുകത്തി പാടുകളുമായി

അവൻ കാത്തു നിൽക്കും.... 

വിലകുറഞ്ഞ മദ്യശാലകൾക്കു പുറത്ത്

അർദ്ധരാത്രിയിൽ

മത്തു പിടിച്ച തലകളും

ബലം കുറഞ്ഞ കൈകളും

ചുങ്ങി ചുരുങ്ങിയ കണ്ണുകളും

മത്സരിച്ച് തന്തൂരി കബാബുമായി

മല്ലിടുമ്പോൾ...

അനുസരണയിൽ അന്ധമായ

പ്രതീക്ഷകളുമായി

അവൻ കാത്തിരിക്കും..... 

വൃത്തികെട്ട വേശ്യാ തെരുവുകളിൽ

ചങ്ങലകളിൽ കിടന്ന്.....

മോഹങ്ങൾ നഷ്ടപെട്ട കളങ്കമില്ലാത്ത

ശരീരങ്ങൾ വിൽക്കപെടുമ്പോൾ....

ഭീരുക്കളും അയോഗ്യരുമായ സുഖാന്വേഷികൾ

കൂത്താടുമ്പോൾ.....

പരിശീലകൻ സമ്മാനിച്ച ഭീകരതയിൽ

സ്വയം നഷ്ടപ്പെട്ടതാണെന്നറിയാതെ

മുൻപിൽ വീഴുന്നതെന്തും

കടിച്ചു കീറുന്നതിനായി

അവൻ കാത്തു കിടക്കും....

-മർത്ത്യൻ-

സമയം - ഒരു അപസർപ്പക കവിത

മുറിക്കുള്ളിലെ ഈർപ്പത്തിന് ഒരു 
പരിചയമില്ലാത്ത മണമായിരുന്നു... 
ഉള്ളിലേക്ക് എത്തി നോക്കിയപ്പോൾ 
കർട്ടന്റെ നിറങ്ങളിൽ കുടുങ്ങിപ്പോയ 
സായാഹ്ന സൂര്യന്റെ രശ്മികളും
ക്ഷീണിച്ച് അപ്രത്യക്ഷമായിരുന്നു.....
സമയവും എങ്ങോ മറഞ്ഞതു കാരണം
ക്ലോക്കിന്റെ സൂജി കറങ്ങാൻ കഴിയാതെ 

ഓർമ്മക്കഥകളുണ്ടായിരിക്കണം

ഓർമ്മകളിൽ മഴയുണ്ടാകണം..
മഴയ്ക്ക്‌ മുൻപേ ഒരു കാത്തിരിപ്പുണ്ടാകണം.. 
തിരക്കിൽ എപ്പോഴങ്കിലും കുടയെടുക്കാൻ 
മറന്നിരിക്കണം... 
നനവും കുളിരും സഹിച്ച് ചൂട് ചായ 

സ്വപ്നങ്ങളുടെ അനാഥത്വം

അലസതയിൽ മുളച്ച്
അബദ്ധം മനസ്സിലാക്കി 
കരഞ്ഞുറങ്ങിയപ്പോൾ അനാവശ്യമായി 
ചിരിപ്പിച്ചുണർത്തിയിരിക്കണം ... 
ചായം തേപ്പിച്ച് അണിയിച്ചൊരുക്കി
കൊതിപ്പിച്ചിട്ടുണ്ടാവണം....
എന്നിട്ട് ജീവൻ കൊടുക്കാൻ 
മറന്നു പോയിക്കാണും....
അല്ലാതെ എന്തിനിത്രയും
നടക്കാതെ പോയ സ്വപ്നങ്ങൾ
അനാഥമായി ലോകത്ത്
അലഞ്ഞു നടക്കണം....
-മർത്ത്യൻ-

നിഴലിന്റെ സ്വാതന്ത്ര്യം

നിഴലിന്റെ ചുമലിലേക്ക് 
മോഹങ്ങളും, ഭയങ്ങളും, ദുഖങ്ങളും, 
പാപങ്ങളും എല്ലാം ഇറക്കി വച്ച് 
നെഞ്ചത്തേക്ക് ആണിയും 
അടിച്ചിറക്കി അവശനിലയിലാക്കി 
നടന്നകന്നപ്പോൾ അവൻ ഓർത്തില്ല 
ഇഴഞ്ഞു നീങ്ങിയാണെങ്കിലും 
കൂടെ എത്തുമെന്ന് 
ഓടി രക്ഷപ്പെടാൻ ശ്രമിച്ചപ്പോൾ
നിറകണ്ണുകളോടെ
അവനെ നോക്കി പറഞ്ഞു...
ഞാൻ വിട പറയുന്നു
ഇനി നിന്റെ പിന്നാലെ വരില്ല
ഇനിയുള്ള ദൂരം തനിച്ച്
ഇരുട്ടത്ത് നീ നടന്നു തീർക്കണം...
എനിക്കും വേണം സ്വാതന്ത്ര്യം...
-മർത്ത്യൻ -