ഞാനൊരു കവിതയെഴുതി
മരണത്തെ കുറിച്ച്
"മരണം മധുരമാണ്" എന്ന പേരിൽ
പിന്നെ ആലോചിച്ചു
എനിക്കങ്ങിനെ എഴുതാൻ എന്താണർഹത....
മരണം പോയിട്ട് ജീവിതത്തിൽ
ഒരു എല്ല് പോലും ഒടിയാത്ത
ബുദ്ധിമുട്ടുകൾ ഒന്നും അനുഭവിക്കാത്ത
വേദനകൾ തീരെ അറിയാത്ത എനിക്ക്
മരണത്തെ പറ്റിയെഴുതാൻ
ഒരർഹതയുമില്ല...
മരണമെന്നല്ല ഒന്നിനെ പറ്റിയും
എഴുതാൻ അർഹതയില്ല...
അനുഭവിക്കാത്തവന് വാക്കുകളെ
ഭംഗിയായി നിരത്തി വയ്ക്കാനേ കഴിയു...
അതിനെ കൊണ്ട് സംസാരിപ്പിക്കാൻ
കഴിയില്ല...
എന്റെ വാക്കുകൾ ഒരിക്കലും വായനക്കാരനെ
സ്നേഹിക്കില്ല.....
ഞാൻ എഴുതുന്നത് കവിതയല്ല കാപട്യമാണ്
ഇന്നെങ്കിലും വായനക്കാർ
അത് മനസ്സിലാക്കണം...
ഞാൻ എഴുതുന്നത് കവിതയല്ല...
വെറും കാപട്യമാണ്...
-മർത്ത്യൻ-
No comments:
Post a Comment